Pendorings

pendorings het my pal deurpriem
op die werf waar ek gespeel het
want selfs eenkantkinders klouter
sonder sorg oor ongesiende lanse
tot een sagte vlees vind;
diep en sekuur soos ʼn rapier
met ʼn afbreekpunt wat pynlik
woedend uitsweer terwyl jy teer
leer trap en agterdogtig
kyk na onder

dekades later kyk ek steeds soms af
wanneer mense fuif en jool
want selfs geduisel deur bravade
of brandewyn trap ek altyd teer
op die splinter wat steeds sweer

© Cobus Kruger, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag