VVV

 

 

hierdie gogga verskyn

dit val pens en pootjies

binne in my droom

 

eers vaag onbegrens

dan duidelik met loeiende

en aaklige neon kleure

 

flitsende ligte wat pols

en dril in my onderbewuste

my deeglik bewus maak

 

hierdie vreemde vlieënde

ongenooide voorwerp skud

my gedagtes soos ‘n sif

 

bekruip my soos ‘n dief

in die kort lewe se nag

en juis so onverwags

 

vee , vee , vee en vlieg

soos ’n vlieg om weer

iewers te gaan sit

 

© Tearlach.

(Onsinnig is my woorde soos die VVV)