klokkespel

 

 

beuelblaser luister nou

na die klokkespel van die lewe

met eervolle vermelding

blaas jy jou eie basuin

‘n hartseer basaan

voorspel tot jou laaste spel

 

die klokkespel gaan voort

lewens kom en gaan soos dit hoort

dit wat was word vervang deur die hede

vandag se musiek bepaal die wysie

die kadens van wat nog kom

blaas jou beuel ten volle

 

speel vandag in jou kariljon

geniet die dawerende applous

ontvang en gee eer waar dit toekom

een van die dae lê jy ook agter

in die lewe se noteboek

prysenswaardig bejaard

 

© Tearlach.

(Kariljon –  ‘n Klokkespel met verskillende tone.)