tanende tempo van tyd – (Silwer)
tanende tempo van tyd – (Silwer)
wanneer die tempo van tyd afneem
by die stilstaan van jou fotoraam
herinneringe tydloos talm
en ‘n glimlag luiweg sy plek kleim
in die koördinate van vergange jare…
verlustig ek my in ons
wanneer die tempo van tyd afneem
fluister ek steeds jou naam
kwyn verlange en verdwyn smart
want ons liefde is soewerein
selfs oor hemelse grense…
verbly ek my in ons
wanneer die tempo van tyd afneem
is ons weer onwrikbaar saam…
© Retha van Deventer, Julie 2025.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae vir Julie 2025 – OOP (Skaduwee van tyd) projek