Seerower skatte
Soos soutsproei saggies klots
teen sinkskip se uitsteek mas
wonder mens onomwonde
wat versteek, geberg hier was
Die roesverweer-erosiedek
vol aangeslane muntstuk
vertel sy eie ryk verhaal –
is hul skatte dalk weggeruk
Skip se stuur steeds rumbevlek
skets prent van dom matrose
was dit immers hierdie defek
wat hul ontneem het van die bose
Vuil luike vol slym-seewier
verhoed dat buitestaander
laaste helse sinktoneel
nuuskierig, vraend aangluur
Eenkant langs ‘n loodswaar anker
in repe geskeur en erg verweer
wieg ’n seerower-kopbeen-vlag
wat waghou oor sy kosbar’ vrag
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
5 Kommentare
-
-
Evelyn van der Merwe
Hehehe ek het verstel Neels, hoe lees hy nou?
-
-
neels
Daar is hy nou is hy reg evelyn
-
Anze
dis baie mooi! Ja mens wonder partykeer as daardie ou skeepswrakke kon praat watter stories alles vertel sou word
-
Evelyn van der Merwe
Ek glo daar sal 'n paar rillers en dalk liefdesverhale saamgevat kan word. Dankie vir die inloer.
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Evelzyn dit is n pragwerk maar die stroffe van die enjinkamer pas nie vir my nie. Seilskepe het nie enjinkamers gehad nie