[BRONS] tronk-kos tot kaviaar

tronk-kos tot kaviaar

van brood wat breek soos beloftes in twee,
die klank van sleutels wat drome uitvee
en nagte wat lank lê en nie verby wil gee.

van tronk-kos tot kaviaar
dis geen sprokie nie,
dis sweet en stilte en wagtyd
waar niemand jou naam onthou.

hy het lepels vol skaamte geëet,
water gedrink met ystersmaak,
sy drome klein gevou
sodat dit nie teen mure kon kraak.

maar êrens tussen brood en berou
het hy weer begin glo
nie in geluk nie,
maar in môre
wat stadig oopvou.

nou klink glase teen mekaar,
sy handtekening dra gewig,
maar elke hap onthou
waar hy was
toe hy niks besit het
behalwe lig.

van tronk-kos tot kaviaar
nie omdat hy vergeet het nie,
maar omdat hy gekies het
om weer te begin.

© Nicola Brown

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag