leefreël – (Goud)

leefreël – Goud

 

mag my glimlag vir ewig ‘n skild wees 

dit vyandigheid moeiteloos inperk 

sodat ek kwetsende woorde nie vrees 

en kastydende konflik my versterk 

 

mag my trane vir ewig veilig wees 

by dié wat my lief het net soos ek is 

my diepste seer en kwaad genees 

sodat ek ‘n skuiling vir hul kan wees 

 

mag my hart vir ewig toeganklik wees 

deernis onvoorwaardelik daaruit vloei 

met onblusbare liefde as lewenswens 

maak my ‘n heimat vir my medemens 

 

mag oordeel my vir ewig ontbreek 

ek die balk veel eerder in my eie oog soek 

sodat ek empatie sal hê vir voorman en kneg 

met nederigheid en immer opreg 

 

en wanneer ek die hemelse poorte bereik 

ek met ‘n rein gewete in God se oë kan kyk 

 

©️Retha van Deventer, Augustus 2026. 

 

Voetnota: 

Geïnspireer deur C.J. Langenhoven se spreuk: “Hou jou glimlag vir jou vyand, jou trane vir jou vriend, jou hart vir jou ewemens, jou oordeel vir jouself en jou gewete vir jou God”, uit Ons Weg deur die Wêreld (Kaapstad: Nasionale Pers, 1922).