grou gisters – Goud

grou gisters

 

die opdrifsels van grou gisters

bly haak aan my herinnering-oewers

onaanskoulik

wanordelik

uitgespuug om te verdor

en vergeet te word

dog versamel dit oor die jare

en word ondeurdringbare mure

waar nuwe seer- en swaarkry

skuiling vind

in stil ure

afgesonder

van die hoofstroom

van daaglikse roetine

en voorgee

en wees

waar ek dit kan los

vir ‘n oomblik

of ‘n leeftyd

©️Retha van Deventer, September 2026.