Totsiens twyfel

Totsiens twyfel …

 

Jy het kom klop net vir ’n glasie water en toe gebly tot heelwat later …

 

Dit raak laat, ek bied toe vir jou uit goedheid ’n kamer.

 

Jy het besluit om vir lank te kom bly; vrede het swaar daaronder gely.

 

Toe ek weer sien, was die hele huis net joune.

 

Swaar gordyne het jy opgehang; die son is uitgeblok hier in die gang.

 

Jou familie, vrees en seer het ook saam met jou kom intrek maak.

 

Tot hier, my liewe vriend, en niks meer verder …

 

Pak jou goed en trap; vir jou beheer is ons nou sat.

 

Hierdie huis behoort aan geloof, hoop en liefde.

 

Goedheid en guns bewaar my huis; hier is jy van vandag af nie meer tuis.

 

©️ Ryno du Plessis 2026