Welkom, Besoeker
Welkom, Besoeker

Titel: Aan al ons lieflike asjassies!

Deur Koekekranka
Datum gepubliseer: 27 Mei 2016 Aantal woorde: 128 1246 Kere gelees 13

As oupa en ouma net rêrig kon
sou ons vir jul al’s gee: Die maan, die son,
tienduisend sterre om daarmee te speel;
saans weer die wind om jul saggies te streel.

Stringe doudruppels -met sonlig bespat-
sou ons elk’oggend na julle toe vat
om heerlik daarmee ’n drankie te maak
wat na die lente en blomgeure smaak.

Ons sou ook nog vir die man in die maan
-waar hy bleekstil deur die hemelruim gaan-
vra om van bo baie deeglik te loer
of kwaad nie dalk in die skaduwees boer!

Ons sou ook nog, as ons bietjie kon toor,
jul graag die klank van die stilte laat hoor
want Jesus het self na stilte gegaan
om te bid om óns die Heilsweg te baan.




TEMAS
1 Kommentaar
  1. Viooltjie

    28 Mei 2016

    Baie mooi. Ek het dit baie geniet. 🙂

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 92
Kommentaar telling: 462

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

 

SOLIDARITEIT – Trotse borg van INK dig/skryf kompetisie

 

Gebruikers Aanlyn

1 Lid, 169 gaste aanlyn

Bydraes – Argief