afsaal

 

jonkman wou gaan vry

op sy ryperd sou hy moes ry

mooi geroskam staan dié daar

gepoleerde saal en blink stiebeuels

hang aan die waenhuisdeur

 

gepoleerde kamaste

glad gestrykte rybroek

met veer in sy hoed gestel

was opsaal net ‘n plesier

gereed is hy en sy stier

 

tekens was daar

nooientjie stel belang

mooi blos op haar wang

wanneer sy skalks loer

na hierdie boer

 

kennismaak het gekom

hul vriendskap het gegroei

gou het dit by afsaal gekom

almal het dit waargeneem

van trouplanne verneem

 

getroud en gespoor

sewe sakke sout verloop

peuters word kleuters, hul

erfgename neem oor, na

vryer en sy nooi afsaal

 

© Tearlach.