Alzheimer en Parkinson as vennote (Brons)

Alzheimer en Parkinson as vennote

tussen spierwit lakens en sagte kussings

dwaal jou menswees rusteloos

agter toegetrekte gordyne

drentel herinneringe doelloos oor woestynduine

waar jou lewenspendulum

eensaam – alleen – verstote

tik-tak-tik-tak

ek skryf jou laaste Ars Moriendi

met my liefdevolle laaste gedig

die laaste letters, woorde, sinne, paragrawe en gedigte

vir altyd voltooi

as die dodelike uitwissing van jou onthou

gate vreet uit jou eens giniale meestersbrein

ruik ek die doodsgeur tussen vier mure

met Parkinson jou eens vlugvoetige voete

slegs skuifelstappies sou word

jou bewende hande vasgevang in Parkinson

lē nou blou gemartel met naalde doodstil

terwyl jou blou vensters nou toegegrendel is

verby die mylpale van

geen geloof

wanhoop

ongeduld

gestroop van geestelike trots

gierigheid

en pyn

op die drumpel

van jou oorstap na die ewigheid

na jou Ewige Liefde en nuwe Metgesel

waar my gedig nou saam sterf

met jou laaste asem

wat sag oor jou lippe

vlerke kry …

@Linda du Plessis 11/2023

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag