As disseldons dans
Die vuuurbal se glimlag
word halfmas versteek
soos die swanger dag
oor die horison breek
Disseldons dans
oor die stofpad se blad
as kiereie-kierie donkiekar
koers dorp se kant toe vat
Warrelwind kom kegel
rooistof teen die duin
ou miskruier strompel
in tru-rat deur woestyn
Rollende wielspinnekop
kom dronkerig kietsregop
salamander trippel kruispoot
om te ontsnap uit hittenood
Die versinsel van ‘n oase –
met volop water en vrede
laat menig voete vol blase
wreed terugkeer na die hede
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
9 Kommentare
-
-
Evelyn van der Merwe
Dankie baie
-
-
Koekekranka
Pragtig in aanbieding en baie diep filosofies. Baie mooi!
-
Evelyn van der Merwe
Bly jy het hom geniet.
-
-
Viooltjie
Baie goed gedoen Evelyn. Met genoeg stof tot nadenke. Eerste strofe is tops. :-)
-
Elizabeth Greef
Sjoe, die landskap hier so raak geskilder. Jou slot is tops!
-
Evelyn van der Merwe
Dankie vir die inloer en saamlees, waardeer jou altyd.
-
-
Anze
kan net by my voorgangers aansluit, dis puik geskets
-
Evelyn van der Merwe
Dankie vir die mooi kommentaar.
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragfoto saam met n pragwerk evelyn