As jy my vashou (Goud)

My lief,
ek wil jou vashou
ek wil jou troos
en vir jou liefkoos

ek wil vir jou die maan
agter die wolke gaan haal
en elke aand hand aan hand
tussen die sterre verdwaal
waar ons sweef tussen planete
en saam lugkastele bou

ek wil elke greintjie van jou psige
van seerkry weerhou
en al die goedheid wat jy bied
met my liefde omvou

ek wil vir jou die aandster
op ‘n silwer skinkbord bring
wyl ons luister hoe die wind
vir ons haar naglied sing
as jy my vashou
en my troos
en net vir my liefkoos.

© Loretta Szikra 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag