Asblikmensies 1
Die asblikmensies
in die oggend sien ek hul
grawend in die rommelsak
soekend na iets
soms is dit seker kos anders is dit
iets om te verkwansel soos skroot
my pens is dik gevreet aan pap
lekker het die kos in my keel afgegly
met ontbyt
nou wil ek stik
want elkeen wat ek sien is maer
nog nooit een gesien wat rondvet is nie.
en ek voel vet
dikgevreet soos ‘n bosluis
rond en vet van die kos
en my gemaklik lewe
voetsek hoor ek die skelstem
van die vrou wat uitkom vroegoggend
om die sak uit te sit
sigaret dartelend tussen lippe
Jy bly uit my sak uit
gaan soek vir jou werk
sodat jy nie hoef te krap
jou sleg mens voetsek
wonder ek nou waar
moet die een werk kry
ek weet hoe maklik is
dit is om nie werk te kry
dalk word jy ook ‘n asblikmens
wat op die afval van die lewe
moet staatmaak om aan die lewe te bly
naderhand sien ek hul nie meer
want die pad is nou anders
die trane bly biggel
oor die asblikmensies
maar daar is geen verskoning vir my
by die werk is hul vergete
dink ek nie meer aan die swaarkry en honger nie
iemand vra- het jy nie ‘n donasie nie vir liefdadigheid nie?
dit ruk my na my standaard verskoning
maar vandag is anders
want ek het die asblikmensies
meteens weer gesien in my gedagte
Versieboer
Hou daarvan om storielyn gedigte te skryf as ek dit sou kon beskryf. Die mense wat dit lees se dikwels hulle "sien " dit in hulle gedagte wereld. My gedigte is op n blog http://gedigtevirjou.blogspot.com wil jy nog meer daarvan lees net vir die lekker daarvan
2 Kommentare
-
Koekekranka
Goeie maatskaplike kommentaar...
Maak 'n opvolg-bydrae
Jy moet aangemeld wees om 'n kommentaar te plaas.
Anze
sjoe dit is hartroerend!!! pragtig met n groot les vir ons elkeen gepen