besig

weeklikse sleur
trek mens soms neer
soveel kilos soontoe
soveel kilos terug

eerste gewaarwording
van pensioenstatus is gemis
gemis van roetine en kilos
wat gebeur vandag

met tyd pas jou brein aan
ek mag mos – ek is op pensioen
niks word meer aangegee as – ek moét
my tyd is my eie

soos by alles is daar ‘n maar…
maar wat as ek nie dit of dat…
maar nou raak ek lui en vet
maar ek sal dit môre doen

of jy nou werk of nie
besig sal jy bly
anders sterf jy
jou brein moét werk

stap rond – hou aan dink
oefen jou spiere en liggaam
jou brein is ook maar net ‘n spier
welliswaar baie ingewikkeld

©Teárlach