Charles Skeen (Teárlach)

BRONS KLAS

Augustus 2019 – Wilde wind projek

1.Mistig

pikante, dekadente visgereg
sag soos sy geweef in diep blou see
so laai die miswolke op oor die baai
met dagbreek is sigbaarheid min
stadig blaai sonstrale daardeur
open die baai soos ‘n boek
met bladsye van ragfyn
strale oranje lig
wat woorde
in kleure
verf

©Teárlach

3.dit is gedoen

in die omte van my duin
het ek gefilosofeer en gedroom
my gees het behoorlik gesweef
gedagtes het woorde geword
woorde het gedigte gemaak
gedigte het stories vertel
party word gelees
ander vergeet
gedoen
maar
nie
volbring

©Teárlach

September 2019 – Verplasings projek

2.Lente by die see

soos dit in een dag winter geword het
is dit vanoggend van vroeg af al lente
my duin straal klein hittegolwe uit wat
blinkend refrein teen die see se deining

naby in die swartland staan die koring
geil-groen,regop en reg om saad te skiet
plek-plek in droeër kolle begin die geel
waar minder reën geval het plante kwyn

die baai is so kalm soos voor ‘n storm
lê soos ‘n spieël uitgestrek tot horison
met groot met gwano wit-geverfde rotse
wat soos renosters net stil staan en wei

hierdie naweek op my duin is daar lewe
die eerste maand met ‘n R is mos hier
nou kom hengelaars en naweekgangers
weer see toe na die koue suid-ooster lê

tussen wit huisies van oos na wes roer
daar mense wat bou en plant in tuine
grys sand-tuine in kleure begin optooi
winter klere word weg gepak vir somer

so vlieg nog ‘n jaar verby oor my duin
maar sit sal ek sit – tot die laaste sonlig
my duin nog kan verlig in oggend gloed

©Teárlach

Maart 2021 – Liefdes projek

3.oikos

uit openbare wildernis
het my huis sy plek
gevind op ‘n duin
woorde hul
oikos
gevind
waar risiko
gulsig verslind
die algoritme
van my
siel

*(oikos verwys na huis of blyplek)

©Teárlach

Mei 2021 – OOP Projek

Eervolle vermelding

Visie

wye lens kyk ek oor die see
van oos na wes streep wit branders
heen en weer in reëlmaat opgewen
soos die klanke van ‘n wals
–
wat ek sien neem visueel op
bêre dit vir die oudag van swak sien
herhalende beelde van mooi en rein
soos die musiek van ‘n refrein
–
in elkeen se tonnel van smarte
kyk baie mense die enigste Lig mis
dié met tonnelvisie sien dit dalk raak
soos musiek van die triomf mars
–
waar branders strand ontmoet
vorm silwer soom van dankbaarheid
suig sand en slakke gulsig daaraan
soos die musiek van finale noot
–
©Teárlach

SILWERKLAS

Oktober 2023 – KORT projek

1.lit

die lit is lid

van my liggaam

wat dit beaam

 

©Teárlach

 

Mei 2024 – OOP projek

3.gewaarwording
 
die gevoel
kom en gaan
soos bloed, suurstof
dra van long tot spier
so kom en gaan die pyn
ook die euforie van lewe
wat soggens vroeg verskyn
so asof die sonlig alles wat sleg
onaangenaam is, kan verdoof
salig die gewaarwording
van hernude lewe
wat die saad dra
van hoop, liefde
en geloof

 

Ó Tearlach.

 

JULIE 2024 – OOP PROJEK

2.mistroostig

 

kibbel kabbel

reēndruppels teen sinkdak

laat spoortjies oor stofbelaaide glas

musiek van die wind wat daar waai

prent rustigheid in my gemoed

gee spoed aan my verdunde

bloed

 

kwik sak in rasse skrede

fyn sneeuvlokke sif uit die mis

land sag op die dorre sand duine

klanke van bibberende voëltjies

wat nes skrop in die nat weer

en grysbok ooitjie se blêr

roep

 

verkrummel sit mak kat

met vies gesig teen ‘n muur

min lus om buite te gaan urineer

sagte klanke van ketels wat kook

hitte strepe styg uit skoorstene

versprei rooikrans stompe se

reuk

 

ÓTearlach.

November 2024 – OOP projek

3.kreukels

“in die kroes van jou kreukels
neem jou sagte antwoorde
die grimmigheid weg”

stropers oes daagliks my woorde
uit gedagtes nognie ontvou
wat my laat struikel
oor die klawers
van my drome
ontneem my
die uitkoms

bedink ek
beplan ek dit
in katas wat speel
voor my aangesig verby
selfs in meetkundige lemmas
wat Euklides in verbasing sou laat
laat dit my met net nog ‘n kadawer

“my katatoniese katapleksie kom kaplaks, maar nie onverwags”

Ó Tearlach.

Katapleksie – word gekenmerk deur ‘n skielike verlies aan spiertonus
Katatonies – ‘n toestand van onbeweeglikheid en onreaksie op eksterne stimuli, wat dikwels gepaard gaan met rigiditeit, postuur en ‘n gebrek aan verbale kommunikasie.
Kata – bestaan uit verskillende gestileerde oefenreekse, dit wil sê reekse aanvals- en verdedigingsbewegings.
Klaudios Euklides, ook bekend as Euklides van Alexandrië, fl. 300 v.C., was ‘n Griekse wiskundige wat algemeen gesien word as ‘Die vader van meetkunde’.
Lemmas – Trefwoord of leksikale item in ‘n naslaanwerk; die kanonieke of eenvoudigste vorm van ‘n woord of frase.

AUGUSTUS 2025 – LINKSHANDIGE PROJEK

1.hand

uit jou hand
weerklink dit van kant tot kant
weinig is bekommerd
of dit links of regs
gaan val
elke gedagte
van links of van regs
word soms interpreteer
as aweregse snert
o my hert

© Tearlach.

 

OKTOBER 2026 – OOP PROJEK

3.tyd

die enigmatie van tyd

ruis oor my duin vanoggend

soos augustus winde wat waai

wie weet waarvandaan of waarheen

tyd in gisters, daagliks en van mōres

tyd wat stadig verloop in jou jeug

wat soos storm en drang swiep

en verbygaan – dan net waai

oor dae, weke maande

en jou laaste jare

dan geld tyd

maar min

elke

gedagte en sin

word onsterflike

bagasie

 

© Tearlach.

 

FEBRUARIE 2026 – OOP PROJEK

1.stilte

eers sagte dreun geluid

van ver oor die see vibreer dit

vermeerder in intensiteit nie toon

word naderhand so erg dat dit oorneem

alles en almal oorneem tot in diepste siel

dit voel asof my breinlobbe saam vibreer

soos ‘n selfoon se vibrasie net baie meer

sag, onheilspellend dreun die golwe

op strand is daar net grys mis

oor wit huise hang die mis

alles in en om my is net mis

elke gedagte versper deur geluid

dan skielik, asof dit nooit was

verdwyn die geluid en is daar niks

geen geluid – tot naguil skielik skor

sy onderbroke jagtog hervat

stadige hervat van ander

gewone nag geluide

dit was mos

die mishoring

wat alle skepe

waarsku, oor die

gevaar van onsigbaarheid

op die baai se mistige see

 

© Tearlach.

 

JUNIE 2026 – STREEK/OMGEWING PROJEK

2.bergrant

waar ek aan jou voete rus

jou blou skynsel in my oë

is jy van klynsaf heel getoë

toegevou in skadus so knus

 

stap ek oor jou hemelboog

op voetpaadjies van weleer

al word my hart nog so seer

kan ek jou prentjie nie afsoog

 

o, bergrant van my hart se punt

jou liejie draal nog deur my lyf

van elke spier gespanne of styf

sal ek jou ooit kan afskryf my kind

 

sing ek my liedjie dralend aan

my bergrand wat nooit vergaan

kan iemand dit ooit verstaan

 

© Tearlach.

 

3.bedrewendheid

sag dog dringend

laat hul die skuite uit

op golwende watervlak

kalm soos ‘n meer lê dit

blink soos ’n spieël van glas

die oggendmis lê laag en dig

in die ooste dring sonstrale

dreig om deur mis te breek

my ore tel mense stemme

wat haastig nog skel

bevele gee

dan brul

motors

en wit boë spat

voor boë klein en groot

diepsee toe waar skole snoek

aandag trek op digitale skerms

onmisbaar groot strek die skole

haak, breek sy nek en gooi weer

een vir een per handlyn getrek

val die slap lywe in die boot

tyd vir kopkrap is daar nie

vanmiddag is dit vol gelaai

dan begin die vlek

en verkoop

alles

deel van

’n bedrewenheid

eie aan die

weskus

 

© Tearlach.

JULIE 2026 – LAAT EK JOU VERTEL PROJEK

1.Spieëlbeeld

jou woorde val soos klippe in ‘n oopgemaakte hand
jy bou ‘n hoë vesting om jou eie klein verstand
jy dink jy ken die rigting en jy dink jy sien die pad
maar agter al die grootheid lê ‘n leë, breekbare skat

 

verwaandheid is die skild van ‘n hart wat eintlik bewe
‘n harde, dowe stem wat in sy eie vrees bly lewe
want wie homself miskyk en sy eie foute vrees
sal altyd op ‘n troon bo sy medemens wil wees

 

wie ander plat wil trap om net self ‘n duim te groei
sal nooit die regte vrugte van ‘n ware vriendskap bloei
sonder deernis vir ‘n ander gaan jou eie liggie dood
dan krimp jou eie siel in jou selfgeskepte nood

 

respek is nie ‘n titel wat jy sommer net kan vat
dit lê nie in jou rykdom of die klippe op jou pad
dit leef in stilte luister en die sagtheid in jou oog
dis hoe jy voor ‘n ander se seer en menswees buig

 

jy verdien dit in die loopvlak van jou daaglikse handel
in die opregte spore waarin jou voete wandel
sorg eers vir eie waarde, kyk diep na binne toe—
want eers as jy jóú respekteer, sal ander dit ook doen

 

© Tearlach.

SEPTEMBER 2026 – OPINIE PROJEK

2.wetenskap

weet en skep
indikasie – kennis
goed nagevors, toegepas
wetenskap is geen idiologie
eerder die vrug van Godgegewe
ontwikkelende mensebrein
solank dit aangewend word
om die mens se lewe
te verbeter
bly dit
aktueel-
wyk dit af
na allerhande
ontploffende valswaarhede
word dit die idiologie
van mense-idiotika
daarteenoor staan
cochlear inplantings
vir die wat nie kan hoor
bioniese oë vir die blindes
kunsledemate, organe
vir die wat wil leef
dalk
brein-stimulant-inplantings
vir die slagoffers van
dwelmverslaafde
ouers
in die oë
van ’n dwaas
is wysheid vaag
en onbekombaar
selfs ’n bedreiging
vir sy voortbestaan

© Tearlach.

 

 

 

(11)