bot

 

 

kyk, as perskebome begin bot

jy weet mos, daardie groen spruitjie

daardie nuwe groeipuntjie aan elke takkie

dan, is die lente aan die kom

wag jy vir die pienk blom

so wag ons op jou

op jou groen spruite

wat nou dringend moet kom

voorlopers van wit, oranje en pienk

wat my duin moet kom oortrek met kleur

wat harte en siele sal kom bekoor

die kleur in hul lewens weer

sal ophelder in seisoene

van herlewing

soos goue

woorde

is al jou

botte

my lief

 

© Tearlach.