Welkom, Besoeker
Welkom, Besoeker

Titel: Brakpan, my plek

Deur Papillon
Datum gepubliseer: 28 November 2018 Aantal woorde: 298 1011 Kere gelees 22

As mens in Brakpan bly
dan word dit jou plek
ons verdra die draakstekery,
dit hou ons op die map!

Pragtige dorp met aller tipe mens
Grênd, kens of trens
Maar ken jou plek, jou maniere
Wees beleefd, deel jou biere

Groen gras, struike en palm bome
sierlike ou geboue en puik skole
Carnival Casino deur heinde en verre besoek
en ‘n groot mall net om die hoek

‘n 100 jaar oue Casbah padkafee
Het menigte jong mens verliefheid gegee
Wie is die bruid, sal jy vra;
(Dis die een wat die wit sweetpak dra)

Veilige oornag staanplek vir jou karavaan
as jy ry van Johannesburg na die Suidkus
bring jou kanoe en roeispaan
…en stok, ons pan het groot vis

Baie klubs en kroeë
Maar kyk uit vir die bord: “wees bang”
Dis drinkplek net vir die locals
Bly uit en gaan jou gang

So… as jy nuut is, bly uit die kroeg
moenie skoor soek met ‘n daggaroker
jy gaan ‘n paar dae in die bed wroeg
‘n Brakpan-ou gaan jou moker

Om jou ore skoon te maak,
moenie iemand anders se bakkie sleutels leen
as jy daaraan raak
gaan jy sit met ‘n af-sleutelbeen

Met dagga gewettig,
Blom die groentetuine weer
Jy is in, as jy dagga kan plant, oes, rook,
Of mampoer kan stook
(Jy kan selfs twee plantjies ruil vir data)

Bout vas als voor jou plek
Tuinstoele, potte, ‘n beeld van Houdini,
As dit erens anders heen trek
sal jy dit nie weer sien nie

Vergeet van verre plekke, Tietiesbaai of oorsee
Brakpan, in jou sal ek woon en werk
Soos ‘n laptop met Windows ninety five
Gaan ‘n Brakpanner nie in ‘n ander plek survive
Hier sal ek bly en dood
Om te Brakpan, eet jy vleis saam met jou brood




TEMAS
1 Kommentaar
  1. Anze

    28 November 2018

    Pragtig, baie dankie vir jou bydrae tot die November 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 8
Kommentaar telling: 7

'n Nuweling op Ink!  Papillon is 'n Franse woord vir skoenlapper. Ek dartel ook deur die lewe!  Ek het as kind laas stories geskryf. En wil graag weer my hand aan kortverhale waag.  Ek kry my inspirasie van mense- gedrag en die sielkunde.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 177 gaste aanlyn

Bydraes – Argief