DIE OUBAAS
DIE OUBAAS
as die Oubaas
kromrug nader skuifel
die son net so effens
so deur die ylgrys hare
so op sy bleskop blink
hoor ek hom grom en kreun
sien hom norsrig op sy kierie leun
my asem, die koue wasem
wat deur sy neusvleuels wolk
dis soos ‘n somber misfloers om my
en ek voel
sy kille oë my siel in priem
die Oubaas is moedwillig
ja, hy mors met my gemoed
© Barbara Smit – 19/06/2019
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Junie 2019 projek