Die Reën Het Gekom

Die Reën Het Gekom

Met die natuur verfris onder‘n reënwaterstort
is die donderbui weer ewe ongeërg vort
en reënboogkleure fleurig
soos uitgespreide poustertvere keurig
belyn koepel oor die wolkehemel
en met lewe wat weer opflikker, wemel
en huppel
dit oor elke kosbare druppel
wat red uit die droë snak
van droogte se meedoënlose knak – – –
Stroompies sigsag vrolik kabbelend,
babbelend,
en die agtdaegrassies
ontluikend steek saggies
kop uit met nuuskierige jong sprietjies
wyl die wag-‘n- bietjie
haakdoring se naak venyn
agter ‘n blareskede verskans verdwyn,
en plate duwweltjies rank geniepsig
skynheiligmooi agter ‘n geelblommetjie gesig – – –
Goggatjies skarrel
en skoenlappers fladderend dwarrel
met die briesie van blom tot blom,
die varsaardereuk versprei, die reën het gekom!

Janetta – Helena [Babs]©

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag