die wildevy (silwer)

die wildevy

die wildevy sing droewig psalms
as woedende winde uit wolke waai
en hy wieg heen en weer, buig en skeur
as wind sy takke teen die stam af draai

die aanslag is intens en wreed
maar die wind hou aan met snoei
en ek hou my asem op toe ek sien
hoe die sap stadig uit die wonde bloei

skielik raak dit stil en die wind gaan lê
net toe die donder sweepslag slaan
en die reën begin in strome val
totdat hy diep in die water staan

maar ek weet daar kom weer nuwe groei
wat vars en groen uit die letsels breek
en ek wens ek was ‘n wildevy
wat soveel ontbering kan vergeet

© Hester Steenkamp

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag