Dobbelsteen

in die middernag uur
flikker ligte op ń verkeerde kol
skyn op stof bossies
geruk uit hul rus
in die koue veld

rooi oog blou oog
flits helder die hulp
stewig op die pad se rand
dan skop voete stof
na die kantel wrak

binne die harderaam
ń stil postuur,
lewenskake ruk oop
verlos die sawwe sagte vorm
uit ń harde dop

in rooi, blou en bruin
hang die stof skielik stil
ń dobbelsteen het geval