Eerste lig

‘n Flouerige ligkol glim
op die kamerdeur wat half oopstaan
Die silhoeët van ‘n ou trui en ‘n drafhemp
wat daaroor hang
ets vaag bekende figure
tot ‘n sprokiesland
waar alles moontlik is

Maar die nader-kruipende daglig
maak die grootmens wakker
onwillig
maar meedoënloos

Verdring die kind in my

en die wonderland verflou

Kan ek jou langer vashou ?
Jou lig kom te vinnig
jou blinkdag te gou