Ek laat weet jou net (2)
Ek laat weet jou net (2)
Dis kwart oor agt op ‘n Saterdag.
Die son gooi haar vlam
deur kareewilgertakke,
teen rooi siersteenmure
en omber* teëldakke.
Die son strooi haar lig
deur winterwit wasem.
Dis vroeg in die oggend
– die Boland haal asem …
© Carma Shaw
20 Mei 2016
*omber – ‘n pigment, beskikbaar in skakerings van bruin, wat gebruik word om verf te kleur.
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
neels
Soos altyd pragtig Carma