Februarie 2021 – Liefdes-projek
Beste INKers
So is die eerste maand van die nuwe jaar reeds op sy rug en strek Februarie voor ons uit. Hierdie maand is veronderstel om ‘n oop projek te wees, maar ek het dit goed gedink om die tema van “LIEFDE” as ondertoon voor te stel.
Daar is geen vasgestelde regulasies en voorskrifte nie, maar gebruik asseblief die “LIEFDE” as ondertoon in jou skrywe.
Dit geld vir alle afdelings, hetsy jy aan digwerk of prosa deelneem.
Die wêreld waarin ons nou omgaan het bietjie meer liefde, sorg en aandag nodig, en so ook die mense waarmee ons omgaan. Kom ons gebruik die geleentheid om die ware wonder van liefde, vir ons land, vir ons mense, vir ons naaste, vir ons geliefdes, vir ‘n oog-appel, vir vriende…sommer vir alles en almal, en meeste van alles, vir ons TAAL, te besing.
Mag elkeen wat hieraan deelneem, die wonder herondek.
Gebruik die geleentheid om jou eie stempel op jou werk af te druk.
Skryf heerlik in Afrikaans.
Skryfgroete
Projekbestuurder
*Skryf in Afrikaans, dis ‘n goeie gewoonte.
*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
Maak 'n opvolg-bydrae
Jy moet aangemeld wees om 'n kommentaar te plaas.