feite en kluite

 

uit jou mond

klink feite soos kluite

jou feite val kort

ewig kort van waarheid

jou doel

om mense te verwar

jou verklaarde doelwit

om aarde se bevolking uit te wis

om mense soos geduldige skape

na die lot wat jy voorskryf te lei

hul te ontneem van hul eie reg

om te kies en te keur

die kluite

van jou donker boodskap

in vars sjokolade verpak

proe soet soos goedkoop stroop

met ‘n kruiesmaak

soos amandels

maar wat

selfs neig om hul geestelike wil

aan jou duister meester

te onderwerp

 

mag die oë

vandag nog oopgaan

die Lig na binne skyn

op ware feite

wat die Woord

voor staan

 

Ó Tearlach.