genoot

 

 

slegs die dowe oor kan sien

wanneer skimme in sy donker woud

met dofsware plof hulself deur sy woud ploeg

met glimmende swaarde wat bloedbedrup

flitsend knars deur lang grassade

van gister en vandag se dade

 

meer as halwe eeu se kerse

verloop in sy duister, dowwe verse

waar troubeloftes en beloftes van trou

voor God en die mens uitstaan

soos wind in die sand

uit tregter verloop

 

eergister se genoot in eg

bly vandag se genoot binne die reg

geesgenote, sielsontmoetende oomblikke

verwaai oor sy duin se kruin

bedek in vrede die puin

so bitter soos aluin

 

waar genote balanseer op een noot

waar siele ontmoet in oënskynlike verdriet

waar skimme kom en gaan in aardse bestaan

daar is enigste lig en waarheid reëel

in Sy Lig en Waarheid

diep verskans

 

© Tearlach.