getrou(d)

jakkals trou met wolf se vrou
reëndruppels wat sonnig uitsak
wat blinkers maak op blomblare

ewekans staan daar twee manne
hulle tuur uit oor die turkoois see
dalk hou hulle sleepnet dop – of iets

getrou aan sy beloftes maak hy koffie
dra dit aan na haar wat nog sag slaap
saggies raak hy haar lokke aan en sug

ver oor die duine huil daar ‘n jakkals
vroegaand se heimweë tref my daar
op my droë duin met fynbos-spruite

die see vertel van verre lande
groen palmtakke en wit strande
getye getrou soos dit moet wees

©Teárlach