Halfmens

Humanisme het met Satan gepaar ;

met ‘n kontroversiële Engel omgang gehad

-in hel geskep,

in hemel gebaar,

op aarde geplant.

 

MY vorm aangeneem.

 

Was daar maar ‘n stukkie

ék

ook net ‘n mens

-sou die son se strale

dálk

ook my vel bereik.

 

As ek maar net ‘n bietjie minder

Maan was,

Pluto was,

Pandora was,

dan sou ek

dálk

ook ‘n sitplek in Aard-teater hê.

 

Was ek maar net bietjie minder

ék

sou skaduwees

dálk

vlug,

sou bitteralwyn

dálk

genadig wees,

sou afgrond

dálk

minder my naam ween.

 

Soek my onsigbaarheid in die stilte,

lees my stilte in die donker,

voel my donkerte in die storms

-ruik die onwelriekende uitroep na

aanvaarding.

 

Die lewe boog in ‘n sekelmaan

-onvervuld.