
Huisbou
die argitek meet
van hoek tot kant
dak na fondasie vlak
en bepaal die korrekte skaal
die bouer staar
soek kortpad om elke hoek
bevraagteken die argitekplan
en baklei oor boumetodes
die klient frons
bevraagteken die bouplan
hersien die beramings
maar staanvas by die argitekplan
dié drie stry
oor drome en die praktyk
al wat lekker vloei
is hul taai sweet
so lê ons gebou
ongedaan en wag
tussen beplan en werk
as dié dagtaak
© Koos Elsum
Maak 'n opvolg-bydrae
Jy moet aangemeld wees om 'n kommentaar te plaas.