Joh 3:16
Hoe vergeld jy die skuld
van ñ oeroue stamboom
wie se eisdade diep begrawe
lê in die voortbestaan
van jou sweet
wie verklaar oorlog
en wie sny die swaard
in die verraad
van onkunde
en roem
doem profeet se gal
en salpeter vervloek
in die spel van euwel
verspied tot eie gewin
verbrand in die wellus
van verganklikheid
uitgewis sal jou betwis
tot niet kom
want die boom van jou stam
se leed is verbreek
deur die bloed van die Lam
die doodse opstanding
van die Een wat gekom het
om die kruis van jou tempel
te beklee met Sy liefde
en die skuld van gister
skoon te was
as profeet bekroon
om as dienaar
Sy liefde te gee
sodat die prys van vryheid
tot in ewigheid
saam God kan voortleef
vir my en ook vir jou.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.