Jou flenters gestof vir die mooi (Silwer)
het jy gesien my kind…
ek het jou flenters gehang
aan reënboog se punt
daar waar die goudpot sy lêplek kom kry
het ek jou potjie blom gesit in die son
ek het jou lag geplant vir nog
jou lief gekompas, gewater
sodat jou hart ver kan sien en spog
sodat daar nog oor is vir later
ek het jou flenters gestof, gestrooi
sodat ʼn stralekrans kan hang vir die mooi
© Cornien Naudé
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Maart 2024 - OOP projek