in ‘n koffiewinkel (Goud)

met my opkyk sien ek hom

met yl, regop donshare

en onskuldige oë

soos ‘n weerloos-geslaapte kindjie

sit en kyk hy hoe die jongvrou

melk en suiker afmeet in sy koffie

hy ontvang dit met beide hande

wat dadelik palm om die koppie

en drink kort troetelslukkies

dan lag hy…onbevange en oopmond

en kyk vertrouend in haar oë

terwyl sy ‘n koffiedruppel van sy ken vee

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag