Welkom, Besoeker
Welkom, Besoeker

Titel: Kaggel wyn

Deur Anria
Datum gepubliseer: 25 Februarie 2016 Aantal woorde: 170 1145 Kere gelees 20

Die nag is warm en kleef aan my vel
dis alleenheid se asem
wat oor my moeë liggaam blaas
en my hoendervleis laat uitslaan.

Alleenheid.

Ek is nie eensaam nie
ek verlang net na jou.

Oë toe
probeer ek jou voel
probeer ek jou weer ruik.

Ek weet jy is weg.

Weg.

Daai weg wat nie weer kan terugkom nie.

Dood.

Ek laat my eie hande oor my
borste gly af …

af na daar waar die verlange brand
in die alleenheid wat ek voel
wanneer ek soms
in die hitte van die nag
aan jou dink en so alleen is.

Dit is dan wat ek wens
dat ek nie alleen was nie.
Dit is dan wat ek wens
dat daar iemand was
waarvoor ek kon lief wees.

Iemand aan wie ek my alles
my hele lyf
my verlange
my passie
my hunkerende begeertes na vervulling

kon gee soos ek dit aan jou gegee het … soms
saans,
wanneer almal slaap
en ons alleen was in die hitte van die nag.

© Anria 27/01/2015




TEMAS
4 Kommentaar
  1. Anze

    25 Februarie 2016

    baie intens, eerlik en mooi gepen

  2. neels

    25 Februarie 2016

    Anria ek het lank laws n gedigte met soveel passive en verlange gelees. Tien goue sterre vir jou hier

  3. Kiekies

    25 Februarie 2016

    Uit-flippieng-stekende gedig! Ek het dit meegeleef en gevoel en gesien!!!

  4. Anria

    4 Maart 2016

    Anze, Neels en my liewe Kiekies )))))hugs(((((

    Dankie ♥

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 59
Kommentaar telling: 76

Anria Breed is gebore in 1983 en woon tans in Brits. Sy het ’n Nasionale Sertifikaat N6 - Bestuursassistent Diploma met Besigheidsafrikaans. Haar kortverhaal, Die ou Beetle, het die aanlyn Vrouekeur kompetisie gewen in Februarie 2015. In Julie 2015 is drie van haar gedigte gepubliseer in Brose Genade, ’n bundel vir kanker-vegters. Sy het haar debuut digbundel, Volg net die Skoenlappers, in Augustus 2015 gepubliseer. In Januarie 2017 is een van haar gedigte in ’n Nederlandse tydskrif gepubliseer ter ere van die stigting van die nuwe gemeente, Meierijstad in Nederland. In Mei 2017 is haar gedig, Die mooi van die donker, gepubliseer in die digbundel Inkspraak.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 371 gaste aanlyn

Bydraes – Argief