Welkom, Besoeker
Welkom, Besoeker

Titel: Bosveldliefde

Deur Anze
Datum gepubliseer: 24 Februarie 2016 Aantal woorde: 121 1560 Kere gelees 22

daar lê ‘n stilte
in my hart se verlang
na waar graskoppe
wuiwend dans
op die ritme van ‘n somerswind
ver weg van stadsgeluide en klingende geld

hier waar die dors
van my siel ge-les word
in savanna veld onder
die geel kruin van ‘n Soetdoringboom
iewers stil saam neurie
aan die verdwaalde Wilger se droom

in die heim van my hart
blom Drolpeer uitbundig in wit
agter die dowwe groen bot van ‘n Maroela
wat my siel se ritme verstaan
já dis die weg deur God vir mẏ,
plaaskind-siel gebaan

dis my Bosveld wat lewe skenk
onder warm sonstraal se skyn
maar ook saans waar sterre
aan helder voetpaaie bou
en naggeluide hou
my wèès, immer getrou

© Anzé Bezuidenhout




TEMAS
5 Kommentaar
  1. Viooltjie

    24 Februarie 2016

    Die bosveld bly maar na aan ‘n mens se hart, selfs al besoek mens dit net soms. Mooi beelde opgeroep, Anze

  2. neels

    24 Februarie 2016

    Laat my dink aan Gert potgieter se as dit nag is in die bosveld pragtig geskryf anze

  3. Kiekies

    24 Februarie 2016

    Ah mooi!

  4. Louie

    25 Februarie 2016

    Unieke styl… gaande daaroor. Maak my lus om in my kar te klim en te gaan kyk

  5. Anze

    26 Februarie 2016

    Baie dankie Carma, Neels, Kiekies en Louie vir julle goue voetspore deur my mooi Bosveld!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 289
Kommentaar telling: 3272

Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 2 kleinseuns en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

3 Lede, 364 gaste aanlyn

Bydraes – Argief