Die storie van my.
Ek het
diamante in my hare
en blomme in my oë.
Daar is sterre in my lag … maar
(ek dink)
hulle het vergeet hoe om te blink.
Daar is musiek in my loop,
’n gedig in my stem
en die storie van my verlede
kan gelees word op my vel.
Daar is hoop in my siel
en twyfel in my verstand …
en ’n onsterflike liefde
in my hart
wat nooit sal ophou met brand.
© Anria (27/01/2016)
Anria
... daar is altyd Hoop.
6 Kommentare
-
neels claasen
Ek stem hoendervleis mooi
-
Viooltjie
Dit is vir my pragtig ☺
-
Anria
Anze, Neels, Viooltjie ... dankie. Jul doen my siel goed.
-
Kiekies
Demmit....dis so pragtig!
-
Anria
Ek glimlag, dankie Kiekies!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Anria hierdie is hoendervleis mooi!!!