SHOWVILLE
dis Showville in Bethulie
en die hele dorp is daar
op stoele netjies uitgepak
– in rye – langs mekaar
daar’s ‘n poet en ‘n sanger
en drie rappers wat moet spook
want die vyfman wat pantsula
dans die houtvloer aan die rook
maar buite in die kampkerkhof
tussen graf van kind en vrou
sit daai boytjie van Bethulie
(hy’t ook vanaand konsert kom hou)
en maak grappies oor Oom Schalk
in nog een lááste one-man-show
© C. Shaw
23 Februarie 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
10 Kommentare
-
-
Viooltjie
Baie dankie, Anze 😃
-
-
neels claasen
Air ai carma op haar beste
-
Viooltjie
Baie dankie vir die saamlees en kommentaar, Neels 😊
-
-
Anria
Ek wonder soms of jy nie moeg raak vir jou kommentaar van my af nie. Ek probeer hard om dit nie dieselfde te hou nie, maar woorde soos puik en fantasties is wat jou werk is. Manjefiek !
-
Viooltjie
Anria, Baie dankie. Nee, ek raak nie moeg vir die gawe kommentaar nie. Dit moedig my aan om te bly skryf :-) Ek het net gehoop genoeg mense weet van oom Schalk en die boytjie van Bethulie, anders maak die gedig nie sin nie. Ek het dit begin skryf nadat ek nou die aand SHOWVILLE op tv gekyk het. En toe gaan lees ek op oor Bethulie en sien toe dat die 3de grootste konsentrasie kamp in SA destyds daar was. En toe sit ek sommer die alles bymekaar. Dit het lank gevat om dit reg te kry :-)
-
-
Kiekies
Dis alweer so.....so.....tipies Viooltjie! Viooltjie-oorspronklik en Viooltjie-puik en Viooltjie-beskrywend!!
-
Viooltjie
Baie, baie dankie Kiekies. Ek waardeer dit regtig baie :-)
-
-
Amaspoke
Pragtige werk! En ek dink ons volk en mense moet meer herinner word aan ons verlede en ons toekoms en dit moet aangehelp word deur ons skrywers. Weereens uitstekend.
-
Viooltjie
Baie dankie vir die gawe kommentaar, Casper. Groot waardering hier ☺
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Carma jy MAG maar.. absoluut puik gepen!