Klugspel (Brons)
Kom sit neer jou bagasie
wat jy so lank al dra.
Los die raad wat jy nie volg nie
al het jy dit gevra.
Hark nader jou probleme
en gooi dit op ‘n hoop.
Jy het nou lank heeltemal genoeg
met jou boggel-vrag geloop.
Ons almal staan op ‘n verhoog
met maskers aan en lag.
Sal jy steeds hierdie klugspel speel
as jy weet dis jou laaste dag?
In die skadus van tyd met seer en verwyt,
van spoke uit jou verlede.
Laat hul een-een gaan sodat jy op kan staan
en eindelik vergeet en vergewe.
©Audrey Bierman 2025
2 Kommentare
-
Anze
Pragtig, baie dankie vir jou bydrae vir Julie 2025 – OOP (Skaduwee van tyd) projek
Maak 'n opvolg-bydrae
Jy moet aangemeld wees om 'n kommentaar te plaas.
Tearlach
Ek hou hiervan. Dit praat met my.