kreukels
“in die kroes van jou kreukels
neem jou sagte antwoorde
die grimmigheid weg”
stropers oes daagliks my woorde
uit gedagtes nognie ontvou
wat my laat struikel
oor die klawers
van my drome
ontneem my
die uitkoms
bedink ek
beplan ek dit
in katas wat speel
voor my aangesig verby
selfs in meetkundige lemmas
wat Euklides in verbasing sou laat
laat dit my met net nog ‘n kadawer
“my katatoniese katapleksie kom kaplaks, maar nie onverwags”
Ó Tearlach.
Katapleksie – word gekenmerk deur ‘n skielike verlies aan spiertonus
Katatonies – ‘n toestand van onbeweeglikheid en onreaksie op eksterne stimuli, wat dikwels gepaard gaan met rigiditeit, postuur en ‘n gebrek aan verbale kommunikasie.
Kata – bestaan uit verskillende gestileerde oefenreekse, dit wil sê reekse aanvals- en verdedigingsbewegings.
Klaudios Euklides, ook bekend as Euklides van Alexandrië, fl. 300 v.C., was ‘n Griekse wiskundige wat algemeen gesien word as ‘Die vader van meetkunde’.
Lemmas – Trefwoord of leksikale item in ‘n naslaanwerk; die kanonieke of eenvoudigste vorm van ‘n woord of frase.
4 Kommentare
-
Koos Elsum
Ek hou baie vd gedig & vir my nuwe woorde / konsepte. In die tweede frases val “wat my laat struikel oor die klawers” vreemde want ek verstaan klawers as klavier musiek so dit pas nie. Miskien eerder gedagtes ?
-
Koos Elsum
Ek hou baie vd gedig & vir my nuwe woorde / konsepte. In die tweede frases val “wat my laat struikel oor die klawers” vreemd want ek verstaan klawers as klavier musiek so dit pas nie. Miskien eerder gedagtes ?
-
Tearlach
As digter mag ek maar naamwoorde omskep in werkwoorde, in metaforiese vergelykings - hier verwys dit dan spesifiek na my gebruik van die naam klawers wat 'n beeld vorm van my as digter wat gedagtes en woorde vorm deur op "klawers" te druk, soos byvoorbeeld die "klawers" van my skootrekenaar! Ek klawer my woorde uit op die rekenaar. Ek probeer nuut skep en bring telkens sulke "nuutskeppende" woorde in my gedigte in. Ek vertrou jy verstaan my gedagtes, hoe vreemd dit ookal mag wees! he he
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir November 2024 – OOP projek