Mossels Soek

met klein treetjies skededdel
twee swart blertsies oor wit sand
hul rooi bekkies steek in die wind
en die vier geel ogies soek
saam seekos

rotsseker op piepklein beentjies
bly hulle net ver genoeg
om hul ruimte te hou
terwyl water spoel
en die wind alles verrafel

julle hardloop saam
gemaklik sonder praat
maar fladder vining weg
waar ek man alleen
weer soek na ń maat