My linkerhand-kind
my kind, jy sê jy wens
dat jy my linkerhand-kind
my regterhand was
wat fyn en raak kan vat
klere maak waaroor almal O… en A…
gebak voorsit by die kerkbasaar
maar jy voel jy laat alles val
jy is nie eers ‘n ma
wat lewe in jou dra
tog my kind
is jou lewe nie leeg
leef jy voluit ja
in die lewe se gate
waar seerkry mense skuil
gee jy kinders kos
troos mense wat huil
is jy my linkerhand-kind
regterhand vir jou Pa
2 Kommentare
-
Elroux
So baie dankie vir jou lees en kommentaar Viooltjie.
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Elke kind is spesiaal en kosbaar op sy eie manier. Dit is ook duidelik uit jou verse oor jou kinders. :-)