Najaarsroos
Herfs se roos
blom toe die mooiste,
smeulend pienk
vol vlam en vuur.
Wis sy dalk die seker wete –
hiérdie
is haar laaste uur.
Herfs se roos
laat val haar blare,
sy voel die lou son teen haar vrug.
Sy weet die winter is op hande,
sy glimlag wrang
voor sy berus.
Herfs se roos
is lank nie meer nie
– ‘n droë steel word weggesnoei –
haar kleur en geur nou haas vergete . . .
kom lente,
sal nuwe rose blosend bloei.
C. Shaw
9 April 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
3 Kommentare
-
-
Viooltjie
Baie dankie, Neels. Ek waardeer dit :-)
-
-
Kiekies
Ai man dis alweer so mooi!
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig Carma ek geniet altyd jou werk waarin jy blomme en die natuur so pragtig uitbeeld