nimf van die baai

nimf van die blou baai
met jou rankende lyf
kloof jy die water oop

blou oë wat skerp kyk
hande wat ferm vat
bene wat gewig kan dra

die see is mos jou lewe
die golwe deel van jou
branders waarin jy vlieg

in groen of blou getooi
jou glimlag spontaan
seil jy aaneen geplooi

waar is jou huisie nimf
rusplek van jou geluk
wie vind jou daar bemind

met elke vlaag wind
wit sproei in jou hare
bly jy die see se kind

©Teárlach