o(e)ral innie kaap

 

 

van Hardekraaltjie in Belville

tot op die Урал in die Oeralgebergte

strek die geografie van berge

soos die Drakensbergreeks

van Suid na Noord

reghoekig tot teen

die Soutpansbergreeks lê

so kruis-krap die Kaapse berge

in blou glinsterende sneeu in die winter

en die Drakensberge in groen skynsel van drake

tot waar die diep groen woude van die Soutpanberg rus

so kom ek, reisiger vanuit die Noorde, en sien alles

in berg-perspektief uitgelê en sien die oeral

en die soutpanne oral in die Kaap

want berge is my dekor

waar my gene

ontstaan

 

© Tearlach.

(Die Oeralgebergte of kortweg Oeral (Russies: Ура́льские го́ры; Oeralskije gori) is ‘n bergreeks wat rofweg noord-suid deur Wes-Rusland loop.)