Ek het vandag my naam verloor

Ek het vandag my naam verloor

 

Tyd belê aan môre se droom en sukses.

Dit alles wat die hart wou hê.

 

Vergeet van wat ek wil hê,

fokus eerder op wat gaan die mense sê.

 

Alles verniet…

my hart wou eintlik net vrede hê.

 

Tyd het my ingesluk,

wat het van my eie bestaan geword?

 

So hard probeer om ’n naam te bou,

sodat ander van my kon hou.

 

Vandag het ek my naam verloor

toe ek kom klop aan my hart se voordeur.

 

©️ Ryno du Plessis 2026