Stem van oorwinning

Saffierlug gooi kelke van vloeiende kuns
uitbundige kleure van majesteit,
uit kwas van brandende vuur drup elke dagbreek
ontsaglike gordyne van vlamme dans op die wolke,
watervalle in strome van regverdigheid
vloed die aarde se stof tot klei

geskoolde tonele, wat bars in verspreide duisternis
rolverdeling van wêrelde in vertoon,
lintedans buite ons bereik
eteriese uitleggers van spraak,
in uniekheid soos sneeu se uiteenlopende kristalkant
spat majestieuse briljantheid
en strooi baniere in die ruimte

openbarings kan gesien word in die hand
wat strek in verreikende oneindigheid,
treffende mag van hierdie skouspel
bevry ons van gevangenesskap
die wet van God is welsprekend

Sy krag as waarheid gee die deurslag
aan verlamdes en blindes, vasgevang
in stowwerige dynserigheid
en met aanskoulike lente
hul dowwe-droogtes demp
wanneer die hele skepping praat
oor kinderagtige dinge

©Marike Erasmus
Psalm 19