Refleksie

ons ontmoet mekaar soos die Son en Maan

so in die verby gaan

ons weet van mekaar se bestaan

maar sal nooit saam stil bly staan

ek weet jy het ‘n sagte hart

en vat altyd mens en dier se part

ek sien wel in jou oë die swart

waar die mooi verdof word deur die smart

ek hoor hoe jou stem ‘n ander troos

terwyl jou stem bewend wys jy’s broos

jy sal liefde wys totdat jy bloos

selfs al is die wêreld  boos en genadeloos

ek sien hoe jy jou woede sluk

ek sien hoe jy van trane snik

ek sien hoe lek jou emmer van geluk

ek sien hoe jy jouself elke oggend reg ruk

ons ontmoet mekaar soos Son en Maan

hierdie keer sal ons stil staan

want ons kan nie verby mekaar gaan

sonder om die refleksie in die spieël te beaam

Jackie de Klerk

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag