Verlies van ‘n ander soort

mense staan geliefdes af aan die dood

ander groet deur ‘n egskeiding

dan is daar die in finansiële nood

of die met ‘n siekte tyding

‘n verlies waarvan min gepraat word

is die verlies van die lewe wat sou gebeur

‘n verlies van iets wat kort

‘n verlies wat jou in stilte laat treur

dit gaan ongesiens verby

en min mense weet van die seer

dit is iets wat jy wens jy kon kry

iets wat jy nooit kon probeer

die verlange na liefde en kinders hê

is maar twee wat ek kan verwoord

dit is nie iets wat jy sal hardop sê

want dis ‘n verlies van ‘n ander soort

‘hoe kan jy iets mis wat nooit bestaan het?’

‘hoe kan dit ‘n verlies wees?’

dit is iets wat jou gedagtes beset

en jou wese vul met vrees

hierdie verlies bestaan uit ‘n verlange

‘n verlange van ‘n droom wat nie realiseer

dit eggo in jou hart se gange

‘n verlies wat min kan verbaliseer

Jackie de Klerk

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag