rondomskrik

–
moet nooit jou oë wegdraai
wanneer jy langs die see stap nie
onverwags kom daar ‘n groter brander
wat jou voete onder jou uitlig
–
om waaksaam te wees is goed
dit beteken nie om heeltyd om te kyk
heeltyd bang te wees vir die onbekende nie
wees net bewus van wat om jou aangaan
–
nogtans kry mens jou “heitjou” oomblikke
wanneer iets of iemand jou groot laat skrik
wees dan wakker genoeg om te reageer
jouself te verdedig en paraat te wees
–
©Teãrlach